Интернэтийн хурд шалгагч програмын тайлан - 2011 он

1 сарын 25, 2012, 19:09 MYT

Интернэтийн хурд шалгагч програмыг Харилцаа холбооны зохицуулах хорооноос 2010 оны 9 сараас эхлэн анх удаагаа интернэт хэрэглэгчиддээ зориулж Ookla компанитай хамтран эхний хувилбарыг нэвтрүүлсэн билээ. Нэвтрүүлсэн цагаас эхлэн интернэт хэрэглэгчдийн байнгын хэрэглээ болж өсөн нэмэгдэж байгаа нь дараах тоо баримтаас та бүхэнд харагдах болно. Цаашид хэмжилт, шалгалтын үр дүнг илүү нарийвчлалтай, боловсронгуй болгох үүднээс 2011 оны 11 сараас эхлэн хурд шалгах програмыг зөвхөн хурд шалгахаас гадна нэмэлтээр шугамын чанарыг шалгах тал дээр сайжруулж, нэмэлт өөрчлөлтийг (Packet loss, Port block, Jitter) хийж, тестийн сервэрийн байрлалыг АНУ Лос Анжелес болгон өөрчлөн шинэчлэлийг хийлээ. Манай сайт уруу хандаж байгаа хэрэглэгчдийн судалгаанаас харахад гар утсаараа хандсан хэрэглэгч нилээдгүй байсан учир цаашид гар утсанд зориулсан хувилбарыг нэвтрүүлэх, мөн Монголын интернэтийн дотоод урсгалын түвшинг тодорхойлохоор Үндэсний Дата төв дээр тестийн сервэр байгуулж ажиллахаар төлөвлөж байна.

2011 онд нийт 31 интернэтийн компанийн сүлжээнээс интернэт хэрэглэгчид нийт 186859 удаа хурдаа шалгасанаас -

Хугацаа	Давхардаагүй тоогоор хэрэглэгч
Жилд хэрэглэсэн	102,708 хэрэглэгч
Сард хэрэглэсэн	8,559 хэрэглэгч
Өдөрт тогтмол хэрэглэсэн	285 хэрэглэгч

Хугацаа	Давхардасан тоогоор хэрэглэсэн
Жилд зочилсон	228,991 удаа
Сард зочилсон	19,082 удаа
Өдөрт зочилсон	636 удаа тус тус ашигласан байна.

Монгол улсын хэмжээнд нэг интернэт хэрэглэгчид ноогдох дундаж хурд.

Эндээс дүгнэхэд Монголд ашиглаж буй интернэтийн нэг хүнд ноогдох интернэтийн зурвасын өргөний хэмжээ 1мбит/c-ээс давсан байна.

2011 онд хурдаа шалгасан нийт хэрэглэгчдийн дундаж хурд, сар сараар.

*9, 10 сард интернэтийн хурд шалгагч програм дээр нэмэлт өөрчлөлт хийсэнтэй холбогдон засвартай байсан.

Интернэтийн үйлчилгээ үзүүлэгч компани тус бүрээр интернэтийн хурдыг дундажаар тооцсон болно.

Үүнээс интернэт хэрэглэгчдийн ашигладаг интернэт хөтөч, үйлдлийн системийн хэрэглээ.

Интернэтийн хурдаа шалгасан нийт хэрэглэгчийн дунд ашиглагдаж буй интернэт хөтөч.

Интернэтийн хурдаа шалгасан нийт хэрэглэгчийн дунд ашиглагдаж буй үйлдлийн систем.

Боловсруулж, тайлан бичсэн: О.Энхмөнх /Харилцаа холбооны зохицуулах хорооны Зохицуулалтын албаны мэргэжилтэн/